GRAN  FESTA  DO  LIBRO

Este ano celebrámola o 15 de abril, pois o 23 cadraba nas vacacións de Pascua, e dedicámolo á poesía.

Houbo poemas en galego, en castelán e ata en inglés.

Lembrámonos de García Lorca, Antonio Machado, Antonio Rubio, Rosalía de Castro, Gloria Sánchez, Celso Emilio Ferreiro, Manuel María, García Teijeiro e Kenn Nesbitt.

 Cada grupo estudou un autor e presentoullo ao resto do alumnado.

 Despois elaboramos un libro con todo este traballo que pasará a formar parte  da nosa sección “Feitos por nós”

MELLORAMOS AS NOSAS COMPETENCIAS

O alumnado do terceiro ciclo recibiu información sobre como realizar  presentacións en power point e fixo as súas propias

sobre as árbores do patio que apadriñaron e mais as que rodean o colexio. Para completar este traballo presentáronllo á comunidade educativa e confeccionaron uns libriños que engadiron á exposición. Agora, estes traballos, pasarán a formar parte da biblioteca.

PLAN DE MELLORA DAS BIBLIOTECAS ESCOLARES

ENCONTROS PLAMBE ( PLAN DE MELLORA DAS BIBLIOTECAS ESCOLARES)

BULI

A responsable da nosa biblioteca, Carmen Jar,  viaxou ata Santiago, o 7 e 8 de abril, para asistir    aos encontros PLAMBE das bibliotecas escolares de Galicia. Chegou marabillada pola cantidade e calidade de traballos que se fan nas bibliotecas

galegas e, por suposto, tamén levou unha mostra dos vosos traballos que non desmerecían nada dos outros.

Contoume que a organización foi excelente e que

chega con novas ideas. Ah! Tamén me dixo a emoción tan grande que experimentou ao ver e escoitar ao grande das nosas letras “Xosé Neira Vilas”

O XORNAL DE BULI

Chegou marzo, o  mes   da   prensa,  e  Buli  animounos a transformarnos en  reporteiros e a facer un xornal entre todos. Puxémonos axiña a traballar e naceu o primeiro xornal de Buli con noticias locais que vivimos en primeira persoa.

E quedou así de chulo!

Este é o número 1 pero agardamos que sexa o comezo dunha longa produción xa que os nosos reporteiros son excelentes.

O MES DA PRENSA

CHEGA O MES DA PRENSA E TRANSFORMÁMONOS EN REPORTEIROS

BULIÑO

Sabiades que xa empezou o mes da prensa?
Estiven a falar co meu pai e acordamos que
estaría ben facer un xornal entre todos. Sería
construído con noticias que vos teñan pasado
a vós. Coas páxinas creadas entre todos publi-
caremos o “Xornal de Riomaior” que viaxará
aos vosos fogares na maleta viaxeira.
Vai quedar ben chulo!

CONCURSO DE MENSAXES DE AMOR

Durante o mes de febreiro desenvolvemos un concurso de mensaxes de amor entre todos os membros da comunidade educativa. O venres 25 de febreiro foron lidas as mensaxes gañadoras de cada categoría e entregamos os correspondentes diplomas.

AQUÍ TEMOS UNHA MENSAXE MOI FERMOSA DUNHA ALUMNA DE 5ºB:

Amor para Buli
Moito tempo vai durar
Olliños sempre te admiran
Ricos bicos cheos de vida.

Pompas da paz que voan
Amor é o mellor
Recordos e ilusións
Antes e despois.

Burlas non debemos facer
Unión temos que ter
Libros e contos debemos ler
Intentamos felices ser.

QUERES SER POETA?

Ola amiguiños! A miña caixa de correo
está famenta de versos Por que non me
axudades a enchela?
Tamén vos quería propoñer que cada
grupo-clase escolla un poeta e traballe,
un chisquiño, a súa biografía e obra.
O próximo 15 de abril, na “Gran festa
do LIBRO”, presentarédesllo a toda a
comunidade educativa.
A que é unha boa idea?

Visitamos o XII Salón do Libro de Pontevedra

O día 9 de febreiro visitamos o XII Salón do Libro Infantil e Xuvenil de Pontevedra. Este é o noso noveno ano de participación e colaboramos creando un libro colectivo titulado “Mouchiño Mentireiro”. Estamos moi satisfeitos do noso traballo e alegrounos moito visitar a exposición e participar nos obradoiros.

O alumnado do 3º Ciclo aproveitou a viaxe para coñecer as prazas e as rúas da cidade de Pontevedra. Que chulas son!

A REAPARICIÓN DE BULIÑO

En xaneiro de 2011 recuperamos a Buliño logo dun longo secuestro nas Fragas do Eume. Para celebralo fixémoslle unha festa de benvida á que non faltou ninguén. Agora Buli está moi feliz e xa ten quen o acompañe na biblioteca.

UN POEMA BEN CHULO DOS NENOS E NENAS DE 2ºB

CHAMÁRONLLE BULIÑO
Chamáronlle Buliño
un día de primavera
cando chegou a esta vida
aquel moucho de seda.

É un mouchiño moi feito
de capa azul e amarela
doces olliños de mel
e bondadosas orellas
que dan á súa cariña
unha figura moi tenra.

É recibido por todos
con aloumiños e festas
porque, amais de ser bonito
ten moi boas maneiras
e fainos rir a todos
coas súas ocorrencias.

Presentación Buliño

View more presentations from Bulibreiro

RECREOS DE CONTO

No mes de novembro comezamos unha nova actividade que está a dar uns resultados excelentes. Cada venres, na hora do recreo, alguén(alumnos, profesores, pais, nais...) le, conta ou representa algún libro.
Participaron nesta actividade case todos os grupos e máis dunha nai.
A asistencia é libre e voluntaria.