UN PODE SER FELIZ EN RIOMAIOR (MIGUEL ANXO MOURIÑO)

11 mar 2012

ENTROIDO EN RIOMAIOR

   Como vén sendo habitual, no noso colexio,durante o Entroido decoramos a entrada con Buli e o galo Venancio como protagonistas.

  O venres, 17 de febreiro, celebramos a festa grande.
 Visitounos Gustavo Almeida para falarnos da súa música e do carnaval en Río (Brasil). Despois deu o pregón que anunciaba a troula.


   Houbo acusacións contra Venancio, avogadas defensoras, actuacións musicais dos grandes artistas do colexio, lectura do testamento e queima do galo.







Tamén degustamos unhas riquísimas larpeiradas que aportaron os alumnos/as.

   Un ano máis pasámolo xenial.

POESÍA DE AMOR E MÚSICA


   No mes de febreiro, mes do amor, Buli e Buliño propuxéronlles, aos nenos e nenas, crear  poemas que tiveran como base o amor e a música.

  Todos puxeron a traballar o seu maxín e crearon poesías tan bonitas como esta:

A  MÚSICA  É …

É unha lingua internacional

que soa sen parar.

É unha frase sen final

 que sempre escoitarás.

É un sen fin de sons

cos que tocas unha canción.

É unha maneira de expresar

se sentes dor ou paixón.

É algo xenial

co que poder xogar

É unha maneira de soñar

sen ter que pagar.

É un futuro

para os máis pequenos.

É unha maneira de aprender

nos tempos que están a correr.

É a música.

É unha maneira de falar,

dialogar e non matar.

Amo a música!!

                       Noemí Fernández (6ºA)
Todos  os participantes  recibiron  bibliopuntos e os gañadores,  doces corazóns.