SAMAWEEN

Chegou a data que todos agardamos cada ano, por ser unha das épocas máis divertidas e creativas do cole o:

 SAMAWEEN

SAMAÍN+MAGOSTO+HALLOWEEN

Toda a semana estivo chea de actividades:

-Dende a biblioteca, Buli propuxo unhas recomendacións lectoras para esta semana.

O TUNEL DO TERROR

Fai clic aquí para ver máis imaxes.

Todo o alumnado participou nos concursos de cabazas, manualidades terroríficas, decoración de corredores e de cómics.

Entregáronse diplomas a: decoración máis estética, a máis artística o corredor máis terrorífico.

 A mellor ecocalabaza, a mellor cabaza casa encantada, a cabaza gardián, a mellor artística a spidercabaza....hasta vinte premios.



.

No recreo, Bendi, leu un conto en inglés na biblioteca.

Despois seguimos coa celebración do magosto, primeiro o alumnado pasouno en grande, cos xogos populares:

-O pano

-Corre castaña

-Carreira de sacos

-A castaña por detrás

-Perna atada.

-Come castañas.

Estes xogos este ano por motivos do tempo, tiveron que realizarse no pavillón.

E por último degustamos castañas e chourizos feitos por un grupo de pais.

Fai clic na imaxe para ver máis

CONTOS NA BIBLIOTECA

DÍA DAS BIBLIOTECAS ESCOLARES

Como xa sabedes o 24 de outubro é unha data moi especial, posto que celebramos o "DÍA INTERNACIONAL DAS BIBLIOTECAS ESCOLARES"

Para conmemorar este día contamos cun grupo de animación Barafunda co seu espectáculo "Pinga, pinga", con sentido de humor, explicaron aos nenos e nenas o consumo responsable da auga. Resultou unha xornada moi divertida e apropiada para o tema que este curso estamos a desenrolar.

Un curso máis e por este día poñemos a rular as mochilas viaxeiras polas casas do noso alumnado. É unha iniciativa para ler en familia e compartir as lecturas nas horas de lecer.Unha actividade de fomemento da lectura que implica ás familias e proporciona un motivo de encontro para gozar do mundo dos libros e da lectura.

APERTURA DA NOVA BIBLIOTECA

O xoves 17 de outubro abrimos a nova casa de Buli. Toda obra rematada merece unha inauguración por todo o alto. Co paso do tempo fomos vendo que era necesario darlle un cambio e este chegou grazas ás obras de mellora do piso, o falso teito e todo o mobiliario da sala de lectura. Outra das novidades é que tamén gozarán os nenos e nenas dun "Espazo maker" un recuncho no que o alumnado poderá, entre outras cousas, recrear persoaxes con disfraces, concentrarse no xogo simbólico cooperar con distintos xogos de mesa e deixar voar a imaxinación.

Na inauguración estiveron presentes o inspector D. Carlos Rábade, o asesor de bibliotecas escolares Paco Díaz e a concelleira de educación do concello de Vilaboa dona Dolores Cerqueiro Peón.

O día da apertura da biblioteca tamén se fixo entrega das acreditacións aos colaboradores de Buli, cerimonia moi emotiva para os alumnos e alumnas de 5º.

PRESENTACIÓN COLABORADORES DE BULI

O mércores 16, os novos colaboradores de Buli asinaron o contrato no que se comprometen a coidar, cumprir as normas, ordenar e axudar a todos os nenos e nenas na biblioteca.

VISITA AO CAMPO DE GOLF

Hoxe tivemos a sorte de poder coñecer de primeira man como son as instalacións do campo de golf Ría de Vigo.

O clima non nos acompañou moito, pero pasámolo en grande de todos xeitos.

Fai clic na imaxe para ver máis.

AVENTURA CANADIENSE DA PROFE BEA

Como xa sabedes todos, a profe Bea marcha de viaxe a Canadá para perfeccionar o seu Inglés e para coñecer novas metodoloxías de traballo, observando como se traballa nos coles dese país.

A través do blog de inglés vainos ir contando a súa viaxe, polo que se queredes coñecer de primeira man a súa aventura por Canadá, entrade na ligazón que vos deixo a continuación.

Boa viaxe Bea!

Para entrar no blog de Inglés pulsa a seguinte ligazón: Englishriomaior

CHARLAS FADEMUR

Dende FADEMUR Galicia , financiado pola Deputación de Pontevedra, levouse a cabo o programa "Promovendo valores de igualdade nas escolas rurais" co que pretendemos achegar ás escolas a promoción da igualdade e prevención de violencia de xénero. Nestes días no CEP de Riomaior reflexionamos sobre os xoguetes non sexistas, as cores e os oficios. Seguindo técnicas teatrais, traballamos sobre o reparto desigual das tarefas domésticas e as opcións máis igualitarias baseadas na corresponsabilidade.

Visita ao Parlamento e á Xunta de Galicia 2019 (5º e 6º).

O pasado venres día 4 de outubro, os nenos e nenas de 5º e 6º foron a Santiago para coñecer de primeira man a organización e o funcionamento do Parlamento e da Xunta de Galicia. 

Aprenderon moitas cousas novas sobre as funcións que ten cada organismo, e tamén coñeceron un pouco sobre a historia da súa constitución.

Fai clic na imaxe para ver máis.