Recitandocelsoemilio

Recitandocelsoemilio

  Hoxe, día 12 do 12 do 2012, ás 12 da mañá participamos do acto colectivo “recitandocelsoemilio”  promovido pola Coordinadora Galega de EDNL para cerrar o ano dedicado ao autor polo centenario do seu nacemento.

  As alumnas e alumnos de 5º e 6º contaron algo da biografía de Celso Emilio Ferreiro e recitaron anaquiños dos seus poemas . A continuación puidemos gozar do rap “Deitado frente ao mar” gravado  durante as últimas semanas e no que participou todo o alumnado do colexio.

 Nos próximos días, se o desexades, poderedes cambiar versos do autor escritos por vós, polos que están pendurados no “tendal dos versos “ na Sala de Usos Múltiples.

 Agardamos pola vosa colaboración.

Queres saber máis de Celso Emilio Ferreiro?  Procura neste enlace gl.wikipedia.org/wiki/Celso_Emilio_Ferreiro

Club de lectura “BULINDO”

       E chegou o primeiro intercambio de pareceres sobre o libro “Desayuno en tiffany’s” de Truman Capote, e houbo para todos os gustos. A algúns encantoulle e a outros non conseguiu marabillalos. De calquera maneira foi unha xuntanza moi agradable e aprendemos uns dos outros.

 

 

     O libro deste mes é “Laura y Julio” de Juan José Millás e a próxima  reunión será o día 15 de xaneiro de 2013, ás 16:00 horas.

 

 

 

 

 

      Se algunha nai/pai quere unirse ao club aínda está a tempo, só ten que achegarse ata a biblioteca e pedir un exemplar do libro.

“CÓNTAME  UN  CONTO”

E volveu a profesora Eva para contar novas historias.

O martes, 20 de outubro, contoulle ao 3º Ciclo “Mil cousas poden pasar”  e o 27 de outubro achegou, ao 1º Ciclo, “A escola de Medrapouco”

 Que marabilla poder contar contigo!

 

É  cultura

É  galega

Que máis se pode pedir?

Que a visites  e goces con ela.

CULTURGAL!!   Dende hoxe e ata o vindeiro domingo,n o Pazo da Cultura de Pontevedra, desenvolverase esta magnífica feira con máis de 200 actividades abertas e gratuítas.

Se queres  máis información visita www.culturgal.com

“CÓNTAME  UN  CONTO”

O pasado martes, 13 de outubro, a profesora Eva Rodríguez  agasallou ao alumnado do Segundo Ciclo coa historia “Matapitos.com” de Gloria Sánchez. Tivo unha colaboración especial, a de José Angel, o noso conserxe, e fixérono de marabilla!

 

                                                        

 

Nos próximos martes contará novas historias ao Terceiro e Primeiro Ciclos.

Moitas grazas por regalarnos o teu tempo.

COMPARTINDO LIBROS E LECTURAS


Acabamos de poñer en marcha unha nova actividade na nosa biblioteca. Un grupo de nais, pais e profesores acordaron deixar en préstamo, por este ano, algún dos seus libros favoritos. Na primeira reunión cada un explicou un anaquiño do contido dos libros que prestaba.

Ao mesmo tempo, a profesora Eva, facilitounos dez exemplares do libro “ desayuno en Tiffany`s” de Truman Capote, para que todos poidamos ler o mesmo e ,o próximo 4 de decembro, martes, ás catro da tarde, teremos unha xuntanza para comentalo.

Animamos aos pais e nais para que se unan ao noso club de lectura.

"DÍA DA BIBLIOTECA"

O pasado, 24 de outubro, abrimos a biblioteca para todos vós. 

Cavernícolas, princesas e señores feudais marabillaron aos presentes, contando as súas aventuras e amosando diversos libros que, ben seguro, todos desexamos ler.

 

 

Dende hoxe podemos acubillarnos nas súas estancias e ler, repousadamente, todas esas historias coas que gozamos tanto.

Pero, ollo! coidade ben dos libros, porque hai un vixiante que se pode anoxar.

   

 

 FELICES  LECTURAS!!

 

BENVIDOS!!
Despois dunhas longas e merecidas vacacións regresamos A TODA MÁQUINA!

O profesor Miguel Anxo Mouriño agasallounos co seu último libro "As noces do Arco da Vella". Este libro dedicoullo ao seu neto, Pablo, e está á vosa disposición.
Eu, como fago con todos os tesouros que me entrega, gardeino nun lugar preferente "A vitrina de Miguel".

GRAZAS por seguir acordándote de nós!!

VISITOUNOS IRIA LAURA GARRIDO

O xoves, 24 de maio, visitounos Iria Laura Garrido Meira, unha rapaza de 13 anos estudante de saxo do conservatorio de Redondela . Empezou os seus estudos cando tiña seis anos e xa é unha saxofonista estupenda. Agora sabemos máis cousas deste instrumento e pode ser que alguén se anime a estudalo. Moitas grazas pola túa visita.

UN FINAL DE CURSO EXTRAORDINARIO

Ilustradores de historias Os nenos e nenas de primeiro convertíronse en ilustradores do conto "Paxaros de papel" axudados polo alumnado de 6ºA e o resultado foi excelente como podedes ver nas imaxes. Entrada blog2

View more presentations from Bulibreiro.

VISITAS CINCO ESTRELAS Nos últimos meses recibimos unhas visitas de excepción. Todas elas relacionadas coa música porque, como todos sabedes, ese é o tema deste ano. Estamos moi satisfeitos e agradecidos xa que aprendemos moitas cousas e pasámolo moi ben. Que marabilla que persoas tan importantes nos dediquen un pouquiño do seu tempo.

Visitas cinco estrelas

View more presentations from Bulibreiro.

HORA DE LER COMPARTIDA

Desde o mes de marzo, e dous días á semana, estamos a desenvolver unha “Hora de Ler” especial. Os alumnos e alumnas de 5º e 6º comparten a lectura cos pequenos de 1º e 2º. Esta actividade está gustando moitísimo.Todos len con interese para conseguir mellorar este aspecto, tan importante na súa formación, e ademais divírtense. Lendo xuntos gústanos máis a “Hora de Ler”.

Lendo xuntos

View more presentations from Bulibreiro.

PARTICIPAMOS NO 12+1 SALÓN DO LIBRO

Volvemos participar no Salón do Libro de Pontevedra cun libro colectivo sobre o tema sinalado. Co título “Crenzas en Cobres” o libro inclúe crenzas, supersticións, amuletos e apócemas que os alumnos e alumnas investigaron nos seus barrios ou crearon eles mesmos. O resultado foi espectacular! Despois do traballo pasámolo ben, participando nos obradoiros e gozando dos traballos, expostos no Salón, entre os que se encontraba o noso libro.

Salón do libro

View more presentations from Bulibreiro.

PREMIO IRMANDADE DO LIBRO

NORABOA A TODOS E TODAS!
Vimos de recibir unha extraordinaria noticia. A Federación de Libreiros  concedeunos o premio Irmandade do Libro na modalidade de Centros de Ensino.
  As razóns que deron para concedernos o premio son as seguintes: "Pola orixinalidade das súas propostas, pola intensa labor de dinamización do libro e da lectura e pola gran implicación cos nenos máis novos na difusión da lectura utilizando esquemas de traballo imaxinativos e motivadores, o Xurado decidiu dar gañador na modalidade de Centros de Ensino ao: CEP de RIOMAIOR"
Grazas a todos e todas polo voso esforzo e colaboración.
Mil primaveras máis para o colexio Riomaior!

POESÍA EN RIOMAIOR

Celebramos como se merece o "Día da Poesía" cun maratón de lectura de poemas. Os alumnos que quixeron participar escolleron a poesía que máis lles gustou e recitárona a todos cantos quixeron escoitar. Resultou un grande éxito. Poucos días antes celebramos o "Dia de Rosalía" dedicándolle a Hora de Ler, agasallando ao alumnado cun poema da autora e escoitando diversos poemas musicados de Rosalía. Os nosos poetas

View more presentations from Bulibreiro.