ABRIL, MES DOS LIBROS

No mes de abril fixemos varias actividades destinadas a fomentar os libros e a lectura. Destacamos entre elas: A gran festa do libro (23 de abril) cunha cálida homenaxe a Eva Rodríguez Ferreiros, mestra xubilada do noso colexio e autora, polo de agora, de dous libros compartidos. Logo dunha entrevista, que contestou amablemente, non faltaron a presentación con datos da súa vida e obra, poemas, contos , relatos en verso ou acrósticos creados especialmente para ela. Resultou un acto fermoso e emotivo.