Libros para Nadal

Presentación guía libros 2011

View more presentations from Bulibreiro.

CARTA DE BULI AOS REIS MAGOS

   Queridos Reis Magos:

   Sei que xa vou co tempo xusto, pero é que o traballo  tenme desbordado. Este ano foi un pouco complicado, cheo de ansiedade e de fatiga.

   Teño que confesar que aínda que quixen ser bo, algunhas veces non o conseguín porque perdín a paciencia con algúns dos alumnos, porque non confiei en outros, porque tentei controlalo todo e facelo todo. Creo que merezo un cinco con cinco de nota, en fin, un suficiente alto.

   Pero hai algo máis, queridos Reis, este ano non vou pedir nada para min. Aínda que, se queredes ter un detalle, un libro sería un regalo perfecto. Adoro os libros!

   O que si vou facer e unhas peticións para os nenos e nenas do meu cole:

  Amor polos libros, para que lean máis e os coiden moito.

   Un pouco de orde, para que non deixen todo revolto na biblioteca.

   Unha tonelada de silencio, para que non se molesten entre eles na hora de ler.

   Unha manchea de respecto, para que aprecien o traballo dos compañeiros.

   Dous sacos de colaboración, par que se axuden uns aos outros.

   Nove quilos de dozura, para que utilicen palabras bonitas e que deixen os berros que tanto    molestan.

   Moitísima atención, para que escoiten  a música que é tan boa para a mente e o corazón.

   E… por suposto, que lle deixedes  algún libro.

   Sen máis,  despídome dándovos as grazas e desexando que non teñades problema co transporte dos agasallos.

   Boa viaxe!            

                             BULI

    PD.- Eu voulles recomendar algúns libros aos nenos.

   Ah! Para Buliño tamén vos pido libros que el sabe compartilos con todos os nenos e nenas.

Os mellores desexos para 2012

Presentación desexos 2012

View more presentations from Bulibreiro.

CULTURGAL, NON O PODES PERDER!


Os días 2,3 e 4 de decembro, no Recinto Feiral de Pontevedra, a Feira das Industrias Culturais de Galicia achega ao público as novidades editoriais, o último en música, o glamour do audiovisual, a maxia das artes escénicas e os avances das novas tecnoloxías. Tres días de actividade sen descanso para público de todas as idades e gustos.
Culturgal é o fogar da cultura galega. Unha gran casa construída entre os distintos gremios da cultura: libro, creación audiovisual, artes escénicas, música, deseño, internet e novas tecnoloxías. Un fogar coas portas y ventás abertas sempre á sociedade.
Se queres saber máis e consultar o programa, visita  www.culturgal.com

 


    






            

CELEBRAMOS A FESTA DOS MÚSICOS

No ano da música

View more presentations from Bulibreiro.

Celebramos un Samain de medo

As nenas e nenos puxeron a traballar as súas neuronas e crearon terroríficas cabazas e non menos terrorífico foi o seu vestiario.

 

O corredor decorado coas cabazas, debuxos, carautas, composicións… metía medo , pero o que producía auténticos arrepíos  era a lectura dos  tenebrosos contos  que crearon  para Buli e Buliño, como:

“O misterio da clase de música” de Ainhoa (4º)                          

“Quen toca o órgano pola noite na igrexa” de David (3ºB)

“O pianista misterioso” de Noemí (6ºA)

Cos mellores contos faremos un libriño para a biblioteca que todos poderedes ler.

Para rematar o día fixemos xogos tradicionais  e comemos castañas asadas que estaban riquísimas!

                                                  FOICHE UNHA FESTA BEN COMPLETA!!

Día da biblioteca

O luns, 24 de outubro, celebramos a festa da biblioteca:

 Os nenos e nena de 3º representaron “As catro estacións” de Vivaldi

     Os cativos de 1º cantaron “Un libro máxico”.

       As rapazas e rapaces de 2º presentáronnos o libro “Animais encantadores”

   O alumnado de 4º representou “A toupiña que quería saber quen lle fixera aquilo na cabeza”.

    O conto cantado “Unha vella tiña un can” foi presentado polos nenos e nenas de 5º.

    As alumnas e alumnos de 6º A presentaron “Pedro e o lobo” e os de 6º B  “Estilos diferentes”.

   Todos e todas estiveron moi atentos e pasárono moi ben.

O OUTONO ÉNCHEO TODO

A fraga viste mil cores:
castaña, laranxa, amarela,
verde, marrón ou vermella.

Cogomelos e castañas
figos, uvas e mais noces,
acompañan á estación,
á friaxe e á noite.

EMPEZAMOS PISANDO FORTE!!

CONCERTO DIDÁCTICO

   Onte achegáronse ata o noso cole un grupo de alumnas/os da banda de música artística de Arcade, acompañados polo seu director, para amosarnos o seu arte no manexo dos instrumentos e animarnos a querer a música.

   É esta a primeira das moitas actividades que, ben seguro, imos ter durante este curso. Pasámolo moi ben e aprendemos moitas cousas: o nome dos instrumentos, de que material están feitos, como soan…

   Dámoslles as grazas polo seu marabilloso concerto e agardamos que algún día haxa alguén que se anime a crear unha banda en Vilaboa.

BENVIDOS!!

   A nosa benvida, a todas e todos, ao novo curso 2011-2012.

   Traedes novos folgos para traballar arreo?

   Este verán, Buliño mais eu, acordamos andar de troula por toda Galiza. Coñecemos unha chea de lugares e escoitamos moitísima música de tódolos estilos.

   Despois da interesantísima visita de Carlos Núñez ao noso colexio, quedárannos moitas ganas de saber máis  do mundo dos pentagramas e das corcheas.

   Aínda que aprendemos moitas cousas  quédanos moito por descubrir. Queredes axudarnos a conseguilo?

   Pois… BENVIDOS AO ANO DA MÚSICA!!

EN  INGLÉS TAMÉN TRABALLAN AS RECEITAS

Os grupos de 3º e 4º observaron e analizaron catro plantas aromáticas., fixeron a súa descrición e elaboraron receitas con cada unha. Despois cociñaron e comeron dos catro platos para acordar cal lles parecía máis saboroso.

Os grupos de 5º e 6º fixeron unha cata de tés , logo de ler a información sobre a súa orixe e obtención, e cociñaron un pastel de chocolate para acompañala.

Despois da proba cubriron unha ficha cos que lle gustaron máis.

RECEITAS PARA BULIÑO

O noso bufiño pediu axuda ao alumnado.

 Buliño quere corrixir os seus hábitos alimenticios,  e mais os do seu pai, e solicitou que lle enviasen receitas lixeiras  e beneficiosa para a saúde.

En poucos días  recibiu unha chea de receitas. Os nosos rapaces nunca lle fallan aos seus amigos.

A SEMANA CULTURAL

      Do nove ao trece de  maio celebramos, como é costume, a nosa  “SEMANA CULTURAL”  e dende a biblioteca colaboramos facilitando libros para a exposición, a película “O bosque animado” e todo canto material precisaron os mestres e alumnos para preparar as súas actuacións. Lois Pereiro, Movida na fraga

 

  Tamén achegamos a participación de “Marta Varela” unha magnífica contadora de historias . Neste caso fíxonos ver a necesidade de colaborar nas tarefas do fogar e non deixar que o faga todo mamá. Ah! e prometeu volver en xuño con outra historia.

Este ano recibimos a persoas moi importantes coas que aprendemos unha chea de cousas:

·       Os mariscadores explicaron como é o seu traballo.

·       Tito Otero contounos cousas dos lugares polos que ten viaxado.

                                      

·       O pintor e profesor Huete aprendeunos unha nova técnica de pintura. Como disfrutamos  facendo o xigantesco cadro que adorna o noso corredor!

·       Non nos esquecemos da visita ao horto dos cativos de 1º e 2º que foron uns guías marabilllosos. Noraboa rapaces, estades feitos uns auténticos agricultores.

   

·        E o máis espectacular foi a visita de “Carlos Núñez”, o gaiteiro de fama mundial. Respondeu ás nosas preguntas, escoitou a nosa música e tocou con nós. Foi unha xornada incrible!